محمد الطائي
عدد المساهمات : 59
نقاط : 4811
السٌّمعَة : 1
تاريخ التسجيل : 10/06/2011
الموقع : موقع برشلونة
 |  موضوع: ماتـگدر تجينه أمحنيه رجليه .. بلوه الكهرباء شلون تاليهه  الأربعاء 22 يونيو 2011, 12:44 pm | |
|
ماتگدر تجينه امحنيه رجليهه
بلوه الكهرباء شلون تاليهه
ماتگدر تجينه وطبع دلوعه
بس ساعه تهل وخمسه مگطوعه
وحنه الصيف اجانه شحلو موضوعه
الروح بيا مكان وّين اوديهه
ما تگدر تجينه والمكيف دوم
بي صارت كآبه وشال كومه هموم
تضحكله المهفه تگله جالك يوم
ارجع منشأك خل عزتك بيهه
ماتگدر تجينه والحكومه بخير
من يوم الاجت ما صار كل تغيير
لحظه والعقل يخواني مني يطير
ياهو من الوزاره لعلتي يدريهه
ما تگدر تجينه والشمس تشوي
وفريزرنه خالي بس هوه يحوي
ووعود القياده وعود ما تروي
هيه اتريد امبيرين ننطيهه
ما تگدر تجينه والمولد فار
مشكور اعله تعبه وكفو منه وبار
يوميه بعطل حته المصلح حار
يفتر صبح ليل وحته ظهريهه
ما تگدر تجينه ونتوا خو تدرون
عدنه شلون صيف يذوب الفافون
مو لعبة طفل متونس ابّالون
من ايطگ محول ظلمه يغديهه
ما تگدر تجينه والگلب فرحان
أحنه اكثر بلد بالنفط والحرمان
وأحنه أسعد وطن محسود بالاوطان
من ناكل البيضه بچوله نگليهه
ما تگدر تجينه والجروح كبار
هادي الشعب ساكت يسمع الاخبار
واحد لزم كرسي وثاني شاله وطار
بس محد سأل عناس وشبيهـــــــه
ما تگدر تجينه محنيه حته الراس
والمسؤل يحلف والله والعباس
مضروبه المحطه شبيدي يا هلناس
... عشرين خليهه !! صبرولي سنه
ما تگدر تجينه وشنهو الجاره
راح انصب عله البيتونه فرّاره
بلكي بهوه شرجي ولنهه دواره
ولأجواء نوبل أسمي يضويهه
ماتگدر تجينه ومجلس النواب
سوّاله اجتماع مقفل الابواب
گال الحل شعبنه ينزع الاثواب
وبدجله وفرات السبح ينسيهه
منقول
شعر النجم الحزين (ذي قار)
| |
|
raad.iraq
عدد المساهمات : 133
نقاط : 4893
السٌّمعَة : 3
تاريخ التسجيل : 07/06/2011
العمر : 37
| | موضوع: رد: ماتـگدر تجينه أمحنيه رجليه .. بلوه الكهرباء شلون تاليهه الأربعاء 22 يونيو 2011, 2:57 pm | |
| بوركت اخ محمد وجزاك الله خيراً
خالص مودتي لك | |
|
سلام العبودي
عدد المساهمات : 502
نقاط : 5489
السٌّمعَة : 6
تاريخ التسجيل : 06/06/2011
العمر : 41
الموقع : الناصرية
| | موضوع: رد: ماتـگدر تجينه أمحنيه رجليه .. بلوه الكهرباء شلون تاليهه الأربعاء 22 يونيو 2011, 3:10 pm | |
|
اي والله شلون تاليها
بس اذا محنيه رجليها مااعتقد تجي
هههههههههههههههه
الف شكر لروعة طرحك اخ محمد
تقبل مروري اخي العزيز
[ندعوك للتسجيل في المنتدى أو التعريف بنفسك لمعاينة هذه الصورة]
| |
|
*~ ملاك ~*
عدد المساهمات : 302
نقاط : 5077
السٌّمعَة : 7
تاريخ التسجيل : 18/06/2011
الموقع : بالاحساء الجميله ^^
| | موضوع: رد: ماتـگدر تجينه أمحنيه رجليه .. بلوه الكهرباء شلون تاليهه الأربعاء 22 يونيو 2011, 5:42 pm | |
| طرح رااااائع هوااااي
تسلم يمنااك اخويه
يعطيك الله الف عااافيه
لك كل الود | |
|
